CPPO mo-hire og Israeli, US nga swat trainer

CEBU, Philippines - Ang director sa Cebu Provincial Police Office Sr. Supt. Erson Digal gimanduan ni Gob. Gwendolyn Garcia nga magsugod na og pangita og mga labing maayong trainer alang sa kapolisan gikan sa nasud sa Israel o ba kaha gikan sa Estadus Unidos.

Kini aron makab-ot ang de-kalidad nga training alang sa kapolisan ilabi na mahitungod sa hostage taking scenarios partikular na ang mga sakop sa Special Reaction Unit (RSU). Dili buot ang gobernador nga maparehas sa nahitabo sa Quirino Grandstand sa Manila nga mipalpak ang kapolisan pagsulbad sa pagpang-hostage ni Sr. Insp. Rolando Mendoza sa usa ka tourist bus sakay ang mga 25 ka mga pasahero kasagaran mga Hongkong nationals, siyam niini ang namatay.

Dugang pa niini ang pagpalit unya sa mga gikinahanglanong mga gamit nga maglakip sa gas mask ug uban pa.

Samtang si Digal sa iyang bahin nagkanayon nga nahadlok si Garcia pagkuha sa local Special Weapons and Tactics trainer basin mahisusama lang sa nahitabo sa Manila.

Sigon pa ni Garcia nga mao kini ang iyang gamiton aron sa “pag-promote sa Cebu as Philippines’ best seller,” ngadto sa nasud sa China kinsa motambong sa umaabot nga Russia-Asia tourism forum sunod bulan sa Vietnam. – BANAT NEWS