CEBU, Philippines - Napakyas ang mga bag-ong sakop sa Regional Development Council kon RDC-7 sa pagpili sa ilang bag-ong chairman kagahapong adlawa sa labing una nilang panagtigum sa Cebu Grand Hotel.
Si Gob. Gwendolyn Garcia ug co-chairman nga si National Economic Development Authority-7 director Marlyn Rodriguez maoy kanhi nangulo sa maong organisasyon. Si Manny Rabacal usa mga private representative unang mikwestyon nganong wala tumana ang ilang patakaran nga upat ka mga nominees sa pagka-chairman sa RDC ang pilian ni Presidente Benigno Aquino III.
Si 2nd district Kongresista Pablo Garcia miingon nga gikinahanglang may botasyon kun si kinsa ang mapiling tsirman ug ang resulta isumiter ngadto sa buhatan ni Aquino.
Apan miduso og mosyon si Negros Oriental Gov. Orlando Fua nga wala na lay election apan ang mga pangalan sa nominees sa RDC maoy papilian kang Aquino.
Si Garcia ug si Bogo City mayor Celestino Junie Martines misupak sa maong mosyon ug gustong adunay botasyon nga mahitabo. Pabor niini ang 40 ka mga miyembro samtang siyam lamang ang supak nga isumiter na lamang sa mga pangalan sa mga nominees sa pagka-chairman sa RDC-7.
Ang mga nominado sa pagka-chairman mao si Gov. Garcia sa Cebu, Gov. Austin Perdices sa Negros Oriental, Gov. Edwardo Chato sa Bohol, Gov. Orlando Fua sa Siquijor ug si Cebu City Mayor Michael Rama. - BANAT NEWS