Pusher sikop sa buy bust
CEBU, Philippines - Usa ka 24-anyos nga lalaki kinsa suspetsadong pusher nasikop sa gipahigayong buy-bust operation sa Provincial Anti-Illegal Drugs Special Operation Task Group (PAIDSOT-G) didtosa sitio Tunga, barangay Tanke, dakbayan sa Talisay sa miaging gabii. Siya mao siPerlito Baguio Brion, kinsa nasakmitan og 24 ka gagmay’ng pakete nga shabu nga nagkantidad matag usaog P400, ug usa ka mediumnga paketesanahisgutang ginadiling drugasug ang P500 nga marked money.
Ang mga polis nga nagpahigayon sa buy-bust operation mao sila si SPO4 Ernesto Navales, SPO3 Ferdinand Navales, SPO1 Isaias Cabuenas, SPO1 Benjamin Sabellita, SPO1 Edgar Causon ug PO3 Romeo Ramas.
Si SPO4 Navales nga nahinabi sa mga tigbalita miingon ngaduha ka semana nilang gipanid-an si Brion human sila makadawat og kasayoran bahin sa illegal niining negosyo.
Nasayran sa mga otoridad nga matag semana si Brion mohalin og tag 25 gramos nga shabu base sa ilang nadawat nga report.
Si Brion aduna nay pending nga kasosa korte sa paglapas sa Akta Republika 9165 kun “Comprehensive Dangerous Drugs Act Law”.
Hinuon atubangan sa mga tigbalita, gibutyag niBrion nga bag-o langsiyang mibalik sa maong negosyokay bag-o pa siyang nakagawas sa prisohan.
Kini dihang nakapiyansa siya human siya hidakpisa mga otoridad gumikan sa maong matang pamatigayon tulo na ka tuig ang milabay. (BANATNEWS)
- Latest
- Trending
