3 ka bingo machine nasakmit

CEBU, Philippines - Nasakmit sa kapolisan sa dakbayan sa Sugbo ang tulo ka mga Bingo Machine sa dalan M.J Cuenco Avenue sa barangay Tejero ning dakbayan   sa miaging adlaw.

Ang pagsakmit gihimo sa mga otoridad dihang si Lolita Sobrero nga maoy tag-iya sa maong mga sugalan napakyas sa pagpakita og mga papeles nga siya gitugotang makapadagan sa maong sugalan.

Ang kapolisan mitubag sa reklamo sa katawhan sa maong lugar kinsa gibati na og kalagot ug kapungot batok kang Sobrero kay bisan ang mga menor de edad gitugotang makapanugal sa iyang binggohan. 

Sa pagkakaron anaa na sa kustodiya sa kapolisan ang maong mga sugalan ug malukat lamang kini ni Sobrero kun may ikapakita siyang mga dokumento nga legal ang iyang sugalan. (BANAT)