Gibuwagan sa uyab naghikog

CEBU, Philippines - Patay na nga napalgang nagbitay sa dakong punoan sa nangka ang usa ka 15 anyos nga bayongbayong sa likod sa ilang balay didto sa barangay Baring, lungsod sa Carmen sa miaging kaadlawon.

Ang namatay mao si Junnel Singson, nga taga Baring   kinsa giingong wala na makaagwanta sa gibating kaguol human buwagi sa iyang hiniguma nga iya ra usab nga silingan.

Si PO2 Romano Morales nga nahinabi sa Banat News miingon nga gikasulti pa ni Junnel ang iyang mga barkada sayo sa gabii niadtong miaging Domingo.

Unya gibutyag niini ngadto sa iyang mga amigo ang bahin sa pagpakigbuwag sa iyang uyab, dayon mipauli sa ilang balay nga naghambin sa hilabihang kaguol.

Si PO2 Morales miingon nga alas 5:00 pasado na sa kabuntagon nga nadiskubrehan sa mga ginikanan nga naghikog ilang anak pinaagi sa paghikot og pisi sa liog niini nga gigaid sa sanga sa nangka.

Gisuwayan pa nila og hatod ang biktima ngadto sa tambalanan diin kini ideklarar nga patay na sa paghiabot didto. (BANATNEWS)