Drayber nabulit sa linubaan

CEBU, Philippines - Naputos sa samad dinunggaban ang usa ka drayber sa traysikad human kini unaya og dunggab sa kauban ra usab niyang drayber didto sa Greenfield Village, barangay Inayawan, ningdakbayan sa Sugbo sa miaging gabii.

Ang biktima nailhan nga si Richard Allarse, 27, nga taga Greenfield, samtang ang suspetsado maousab si Cristituto Tugahan, 30, nga silingan ra sa biktima.

Base sa pasiunang imbestigasyon sa kapolisan nasayran nga ang biktima nalingaw og tan-aw sa nagsinayaway sa disko dili kaayo layo sa ilang balay dihang kalit lang nga mipatim-aw ang suspetsado.

Unya sa walay hinungdan gihansakan dayon kini sa kutsilyo ug gitusak gyud ang kalawasan sa biktima.

Maayo kay nakadagan ang biktima ug bisan nagtabisay ang daghang dugo niini sa lawas nakaabot pasa ilang balay ug nakapangayo og tabang sa iyang igsoong si Aiza ug Maricon kinsa maoy mihatod dayon kaniya ngadto saCebu City Medical Center.

Samtang ang suspetsado mitahan usab dayon ngadtosa duha ka barangay tanod nga sila Anecito Batigas ug Cecilio Encabo nga maoy mi-turn-over kaniya ngadto sa Pardo Police Station.

Gisuta pa sa kapolisan ang hinungdan sa maong pagpanunggab. (BANATNEWS)