Mipusil sa mananagat sa lungsod sa Consolacion gipangita

CEBU, Philippines - Gipangita sa kapolisan angsuspetsado nga mipusil patay sa silingan niining mananagat didto sa sitio Lawis,barangay Jugan,lungsod sa Consolacion sa miaging adlaw.

Si Rolando Artizuela,22,nga taga Lawis, maoy gitumbok nga suspetsado sa pagpusil patay ni Joel Magale, 46, nga iyang silingan.

Si PO2 Joevani Mabano nga nahinabi sa Banat News, miingon nga si Bernadeth, 32, nga asawa sasuspetsado mibutyag ngasayo pa sa buntag nga milakaw ang iyang bana ug wala siya masayod kun diin kini paingon kay wala naman mouli sa ilaha.

Dugang pa ni PO2 Mabano nga nagkaaway ang biktima ug ang suspetsado samtang nanagat sila sa kadagatan sa barangay Jugan.

Dihangmidunggo sila sa Lawis, ang suspetsadong nagdumot mikuha sa iyang armas nga wala hisayri ang kalibre ug giluthang patay niini ang biktima.

Gisuta pa sa kapolisanang hinungdansa away sa biktima ug suspetsado.(BANATNEWS)