CEBU, Philippines - Gikanselar ang piyansa sa tulo ka mga akusado sa pagsuway pag-ambush sa sales manager sa Taheiyo Cement Philippines Inc. human mapakyas sa pagtambong sa arraignment sa kaso niadtong milabay’ng adlaw.
Pakyas sa pagtambong sa sala ni RTC-7 Judge Gabriel Englis sila si Jerome Noel nga gitumbok nga mastermind sa pagsulay sa pagpamanhig kang Nestor Zamoras ug ang gunman nga si Orlando Sagnoy ug ang drayber sa getaway vehicle nga si Roberto Tercero.
Ang pagpamanhig nahitabo diha sa Cardinal Rosales Avenue, barangay Camputhaw ning siyudad sa Sugbu niadtong nakalabay nga bulan.
Ang abogado hinuon ni Jerome Noel nga si Atty. Rodolfo Valmoria Jr. mikwestiyon sa legalidad sa pagsikop sa kapolisan sa iyang kliyente.
Samtang sila si Sagnoy ug si Torceros ug ang ilang mga abogado napakyas gyud sa pagtambong sa arraignment sa kasong attempted murder ug illegal possession of firearms.
Tungod niini, si Judge Englis mimando nga mapawalay bili sa ilang gipiyansa ug gikatakdang mopagawas og warrant of arrest batok sa tulo.
Ang korte mitakda sa arraignment sa tulo karon nang bulan sa Septiyembre. – BANAT NEWS