CEBU, Philippines – Nataruyan sa kutsilyo ang walang bahin sa lawas sa usa ka estambay human siya lubaa sa iyang silingan sa dalan Sikatuna, barangay Day-as ning dakbayan sa Sugbo.
Ang biktima mao si Harold Palang Simuon, 35, ulitawo, ug usa ka estambay sa Day-as, samtang ang suspetsado mao ra usab ang iyang silingan nga si Ruel Espina, hingkod.
Nasayran sa Banat News gikan sa kapolisan nga niadtong Biyernes migawas ang biktima sa ilang balay ug giduol lang og kalit sa suspetsado ug gihansak dayon sa iyang kutsilyo ang walang kilid sa biktima, dayong sibat.
Gihatod dayon ang biktima ngadto sa tambalanan samtang gipangita pa sa kapolisan ang suspetsado.(BANATNEWS)