Sakyanan sa Kapitolyo nadasmag kay drayber gi-high blood

CEBU, Philippines - Maayong pagkagusbat sa sakyanan sa Kapitolyo ug samaran ang tulo ka trabahante niini human mibangga sa usa ka 10-wheeler truck pasado alas-3 sa hapon sa milabay’ng adlaw sa barangay Atabay lungsod sa Alcoy sa miaging hapon.

Ang mga samaran mao sila Wilson Villafranca, 63, kinsa maoy drayber sa sakyanan sa Kapitolyo ug maoy nagrabehan sa maong insidente uban sa sakay niini nga sila Rene Pajardo ug Orlando Buenaventura.

Sa pakighinabi sa Banat News ni PO2 Raul Medez mibutyag nga samtang nag-atubang ang sakyanan sa Kapitolyo nga usa ka Isuzu Canter nga nagtangag sa plate number SEZ-488 sa syudad sa Sugbo gikan sa lungsod sa Boljoon.

Matud pa ni Medez nga pag-abot sa nahisgutang lugar mi-overtake kini sa gisundang sakyanan apan wala damha nga miguho ang usa ka 10-wheeler truck nga gimaneho ni Arnel Sosas ug nabanggaan kini.

Dugang pa ni Medez nga maayong pagkagusbat sa sakyanan sa Kapitolyo ug pagka-angol sa tulo ka sakay niini lakip na ang driver ug gidala sa usa ka tambalanan sa syudad sa Sugbo.

Si Medez nagkanayon nga dunay mipahibalo kanila kagahapon nga giatake sa high blood si Villafranca hinungdan nga wala na kini makakontrolar sa gimaneho niining sakyanan.

Dugang pa niini nga kasamtangan karun nga na-confined ang maong drayber ug daw na-mild stroke kini human adunay usa ka blood clot sa iyang ulo diin nagpundo ang dugo. – BANAT NEWS