Opisyal sa barangay sa Talisay namatay

CEBU, Philippines – Laing opisyal sa barangay ang namatay tungod sa gihambin niining sakit sa baga niadtong Huwebes sa gabii didto sa iyang balay sa barangay Poblacion, dakbayan sa Talisay.

Si Kapitan Teodoro Belleza sa barangay Poblacion, Talisay mibutyag sa Banat News kagahapon ug miila sa mitaliwan na nga si Kagawad Teodolfo Labajo, 76.

Matud ni Belleza nga si Labajo niadtong buwan sa Disyembre daan nang nagluya hangtod nga wala na kini   mo-report sa barangay hall tungod kay sulod gawas na kini sa tambalanan sa miaging buwan.

Gibutyag ni Belleza nga si Labajo kinsa maoy ika-upat nga kagawad karon sa barangay Poblacion nakaserbisyo sa barangay og kapin 20 ka tuig ug lakip niini ang iyang pagkapili isip kapitan sulod sa lima ka termino.

Si Belleza nagkanayon nga wala pa silay plano kung kinsay ihulip nila sa nabakanteng pwesto ni Labajo. (BANAT NEWS)