Killer sa negosyante sa Toledo nadakpan sad

CEBU, Philippines - Suspek sa pagpusil patay sa negosyante sa dakbayan sa Toledo nadakpan sa kapolisan tungod sa paghupot og armas.

Ang nasikop giila sa kapolisan nga mao si Reggie Labajo Togonon,24, molupyo sabarangay Dumlog sa nahisgutang dakbayan.

Segun sa report sa kapolisan sa dakbayan sa Toledo nga si Sr. Insp. Jovito Canlapan nakadawat og tawag sa telepono kabahin sa usa ka armadong tawo diha sa barangay Dumlog.

Dihang ilang girespondehan ilang naabtan si Togonon nga nagbitbit sa armas nga .357 revolver hinungdan nga ilaha kining gisikop ug nasutang wala kini lisensya niini ug duna kini tulo ka bala sa .357 ug usa ka bala sa .38 revolver ingon man duha ka paketeng gidudahang may sulod sa shabu ug duha ka tin foils.

Si Sr. Supt. Erson Digal, hepe sa kapolisan sa lalawigan sa pakighinabi niini sa mga tigbalita mitug-an nga si Togonon usa sa duha ka suspek sa pagtulis ug pagpusil patay sa negosyanteng si Proceso Anonas nga tag-iya sa Four Star Hardware niadtong Sabado sa gabii sa miaging semana.