CEBU, Philippines - Ang bag-ong komisyoner sa Bureau of Customs (BOC) miluwat og kamandoan nga ipatangtang ang haoshiao kon way klarong mga kawani sa Cebu Customs District Office sa puwerto sa Sugbo.
Si Komisyoner Angelito Alvarez miluwat ning maong kamandoan subay sa usa ka memorandum nga iyang giluwatan niadtong Hulyo 12, 2010.
Gipasabot ni Alvarez nga ang mga haoshiao nga mga empleyado mao kadtong mga kawani nga dili organic nga empleyado sa BOC.
Ang kamandoan ni Alvarez sa pagpatangtang sa maong mga haoshiao nga mga kawani ipa-epekto sugod ning buwan sa Hulyo.
Busa gituohan sa kadaghanan nga sa sinugdan malagmit maapektohan ang kalihokan sa BOC niini sa tibuok nasud. (BANAT NEWS)