Puya gilabay sa kasilyas

CEBU Philippines - Usa ka fetus ang nakit-an sa sulod sa kasilyas diha sa sitio Plastican, barangay Duljo Fatima ning dakbayan sa Sugbo ala-1:30 sa hapon kagahapong adlawa.

Base sa imbestigasyon sa kapolisan usa ka drayber sa traysikad nga si Reynan Gako, 21, ug molupyo sa maong dapit maoy mitug-an sa kapolisan kabahin sa maong puya diha sa kasilyas sa balay sa iyang iyaan. Ang kapolisan nagkanayon nga gibanabanang upat pa lamang ka buwan ang maong fetus nga diha mismo sa bowl sa kasilyas.

Matud pa ni Gako sa kapolisan nga nagkagubot sa panimalay sa iyang iyaang si Mary Abella gumikan sa kadaghan sa mga tawong nagtapok hinungdan nga iyahang gisusi.

Diha lang niya masayring may puya nga nakit-an diha sa kasilyas hinungdan nga mitawag siya og tanod. (Joann Cristine Surigao, PIT Intern) (BANAT NEWS)