CEBU, Philippines - Midangoyngoy ang usa ka ginang gumikan sa iyang kaguol nga gikawatan siya og dul-ang P200,000 nga salapi , mga alahas ug uban pang butang sulod sa iyang balay sa miaging adlaw.
Ang biktima mao si Malou Bondoc Benedicto, 42, minyo, nga taga sitio PBN Housing, barangay Busay, ning dakbayan sa Sugbo.
Matud pa sa biktima nga milakaw siya sa miaging buntag ug pag-uli na niya sa ilang balay wala na ang iyang laptop, cash nga P150,000 ug mga alahas nga matud pa mikabat ang tanan og himabaw sa P200,000.
Hinuon matud pa ni PO1 Justino Paragados sa Cebu City Police Office nga gipangita na sa mga tanod sa Busay ang kawatan ug kun hisakpan kini pahamtangan kini og bug-at nga silot. (BANAT NEWS)