Koreano gikawatan nagtibi
CEBU, Philippines - Nagtibi ang usa ka Koreano nga misumbong sa kapolisan human mawagtang ang iyang P5,000 gikan sa iyang pitaka didto sa Quistavian Restaurant, Maria Luisa Road, barangay Banilad ning dakbayan sa Sugbo sa miaging gabii.
Ang biktima mao si Hoang Nguyen, 27, ulitawo nga lumad nga taga Lenborggade, Denmark, apan anaa magsaka sa Parklane Hotel sa barangay Kamputhaw ning dakbayan sa Sugbo.
Matud pa sa biktina nga misumbong kang PO1 Justino Paragados sa Fuente Police Station nga pagkahuman niya og kaon, mikuot siya sa iyang pitaka aron mobayad sa iyang gikaon dihang mihungaw na ang iyang bulsa kay nawala na ang iyang pitaka nga gisudlan sa P5,000 nga cash.
Gituohan sa kapolisan nga ang maong Koreano nabiktima sa tempo kon panguot. (BANAT NEWS)
- Latest
- Trending
