Garcia miinugurar sa proyekto sa Argao

CEBU, Philippines - Giinugorahan sa miaging adlaw ang 3.5 kilometro nga gipaaspaltong karsada didto sa sitio Candabong, barangay Humpay sa lungsod sa Argao.

Ang maong inugurasyon sa proyekto nga nagkantidad og P6.8 milyones gitambongan ni Gobernador Gwen Garcia, Kongresista Pablo Garcia sa ikaduhang distrito sa lalawigan, Mayor Edsel Galleos sa Argao ug ni board member Peter John Calderon.

Mitambong usab sila si Engr. Josefino Norberto Lim ug sa kontraktor niining si Edgar Sarmiento.

Gituohang mosukol sa uwan ug init ang maong aspalto gumikan sa kabaga niini ug maghatag kini og serbisyo sa mga sakyanan ug molupyo sa tulo ka sitio nga mao ang Candabong, Dakung Dalan ug Hayuna.

Malipayon kaayo ang mga molupyo sa maong lugar nga mipasalamat kang Gobernador Garcia. (BANAT NEWS)