CEBU, Philippines - Nadakpan ang usa ka tulo ka lalaking mikawat sa mga ligid sa sakyanan nga balor og P97,000 sa usa ka tindahan didto sa sitio Santa Ana, barangay Banawa , ning dakbayan sa Sugbo sa miaging gabii.
Ang nasikop mao si Jonathan Eric Espiritu, 28, ulitawo nga taga Santa Ana, samtang ang duha niya ka kauban kinsa nakasibat wala niya ibutyag ang mga ngalan ngadto sa kapolisan.
Ang maong mga ligid gipanag-iya ni Neil Gaw Labrador, 36, minyo, nga taga San Jose Village, barangay Tisa , ning dakbayan.
Sa imbistigasyon nga gihimo sa kapolisan, nasuta nga gisulod sa suspetsado ug mga kauban ang nahimutang sa mga ligid ug gikarga nila kini og taxi. (BANATNEWS)