CEBU, Philippines - Gi-inspeksyon ni Gobernador Gwen Garcia ang proyekto sa Kapitolyo nga gitukod didto sa lungsod sa Oslob nga mao ang Oslob Quartel niadtong Huwebes sa hapon.
Kining maong proyekto gisugdan sa pagtrabaho niadtong wala pay eleksyon sa miaging Mayo 10 nga nahimutang sa luyo sa simbahan sa Oslob.
Usa sa tinguha sa gobernador mao ang pagpalambo sa maong lugar pinaagi sa pagtukod sa usa ka edipisyo diin adunay gift shop , coffee shop ug uban pa isip usa sa mga tourist attraction sa maong lugar.
Ang Oslob usa sa mga lugar ning lalawigan nga suroyanan sa mga turista gumikan sa nagkalainlaing madanihong talan-awon sa maong lungsod.
Diha sa gift shop anaa ang mga handicraft nga kasagaran ginama ra sa taga Oslob, sa coffee shop anaa usab ang mga native delicacy o mga pagkaong lumadnon nga kasagaran linuto ra sa mga molupyo sa Oslob.
Ang gobernador gikuyogan nila ni Congressman Pablo Garcia, Mayor Ronald Guaren ug Engr. Adolfo Quiroga. (BANATNEWS)