CEBU, Philippines - Usa ka lalaki nga gipasanginlang nanglugos ang napalgang nagbitay sa usa ka dakong kahoy pasado alas-3 sa miaging hapon sa sitio Kabatbatan barangay Pamutan.
Ang namatay mao si Ram Junifer Ibunalo, 33, molupyo sa maong lugar kansang liog gihigtan og hose sa tubig nga adunay gitas-on nga tulo ka metros.
Base sa imbestigasyon sa kapolisan nga ang uyoan sa naghikog maoy nakakita niini nga nagbitay na sa punoan sa mangga duol sa ilang panimalay.
Sa pakighinabi sa Banat News ni SPO4 Alex Dacua kini mibutyag nga base sa ilang nakuhang impormasyon gipasanginlang nanglugos apan wala pa nila kini makompirmar ug makuhai og dugang impormasyon. – BANAT NEWS