Talisay nag-inaugural session

CEBU, Philippines - Ang konseho sa dakbayan sa Talisay mipahigayon sa ilang inaugural session kagahapon pinaagi sa pagtahas sa mga konsehal nga mohupot ug mahimong kaabag sa nagkalainlaing komitiba alang sa paspas nga serbisyo ngadto sa mga Talisaynon.

Si Bise Mayor Alan Bucao kinsa maoy presiding officer maoy mihupot sa komitiba sa kahusay ug kalinaw ug sa turismo.

Samtang si konsehal Bernard Odilao maoy mihupot sa komitiba sa environment ug agriculture; Choy Aznar sa laws and good governance; Eduardo Gullas III sa games and amusement and professional sports ug women; Celiapo Cabuenas sa health ug social welfare and development; ug April Marie Cabigas sa park and plaza ug sa youth sports.

Si konsehal Valeriano Ylanan nga sakop sa mayoridad gihimong vice chairman sa komitiba sa park and plaza ug sa youth sports, ug sa environment ug agriculture.

Ang mga minoridad nga konsehal nga sila si Romeo Villarante ug Danny Caballero maoy gitudlo nga vice chairman sa laws and good governance ug games and amusement ug professional sports ang usa’g-usa. – BANAT NEWS