Mediaman gituboy puli ni Guanzon

CEBU, Philippines - Mga political leaders sa Sugbo mipili sa usa sa mga lokal nga media practitioner nga mahimong alter-ego ni Presidente Benigno Aquino III nga maoy tigpamaba sa Mactan-Cebu International Airport Authority.

Si Ahmed Cuizon, public affairs manager sa MCIAA, ug usa ka kolumnista, feature writer ug broadcaster ang gipili sa Cebu Political leaders nga mahimong sunod nga Presidential Assistant for Central Visayas. Ang maong posisyon nabakante human mapupos ang termino sa negosyanteng si Felix Guanzon niadtong Hunyo 30, 2010.

Ug kung itudlo ni P-Noy si Cuizon mao na unya kini modumala sa operasyon sa Malacañang sa Sugbo nga usa ka historic building nga nagsimbolo sa presensiya sa presidente sa habagatan.

“Ahmed’s media background is vital for the post because his skills as a communicator will definitely be needed in the feedback mechanism that P-Noy wants to have,” matud ni Carlo Dugaduga, presidente sa Kapisanan Ng Mga Broadcaster sa Pilipinas (KBP), Cebu Chapter.

“Besides, his knowledge in dealing with media will be valuable especially since the president’s men in Manila don’t seem to be doing well in this task,” dugang ni Dugaduga kinsa mi-cover na og mga importanteng presidential event sa Malacañang sa Sugbo. Si Cuizon kinsa usa ka Career Executive Service Officer (CESO) eligible sa Mactan Airport ang gi-endorso ni Kongresista Tomas Osmeña, Bise Gobernador Gregorio Sanchez, Atty. Hilario Davide III ug Cebu City Mayor Michael Rama.

Sa paghupot sa nahisgutang posisyon si Cuizon nakasiguro usab kini sa suporta ni Atty. Augusto Go, pangulo sa pribadong sektor kinsa naglusad sa Noynoy Aquino for President Movement.   – BANAT NEWS