Mga komitiba sa Lapulapu gi-apod-apod na

CEBU, Philippines - Pormal nang gipang-apod-apod ngadto sa mga sakop sa konseho sa dakbayan sa Lapulapu ang nagkadaiyang mga komitiba atol sa ikaduhang regular session sa milabay’ng hapon.

Atol sa maong sesyon sa ika-12 nga Sangguniang Panlungsod nga gipangulohan ni Bise Mayor Marcial Ycong, sagad sa mga nasubliang konsehal nagpabilin sa ilang komitibang gihuptan.

Sila si Konsehal Rodolfo Potot nagpabiling tsirman sa Police, Fire and Penology ug Dangerous Drugs, Abuses ug Trafficking samtang si Konsehal Eduardo Cuizon sa Education, Culture, Heritage and Historical Affairs ug Labor and Employment ug Transportation and Communications.

Si Konsehal Cornelio Pahang sa Health and Hospital Services ug maoy Floor Leader sa konseho.

Samtang si Konsehal Florito Pozon, tsirman sa Committee on Laws and Human Rights, Infrastructure, Public Works, Urban Planning and Housing; Konsehal Junrey Gestopa Jr. sa Market, Abattoir and Consumer Protection, Environment and Natural Resources; Konsehal Melissa Vidal sa Finance and Appropriation, Business and Industry, Energy and Power; Konsehal Efren Herrera sa Ethics and Good Government, Transparency and Accountability; Konsehal Quennie Malingin Ahmann sa Women, Children and Family Relations.

Ang mga bag-ong napiling konsehal nga sila si Eduardo Patalinghug maoy tsirman sa Committee on Accreditation; Konsehal Harry Don Radaza sa Sports and Development, Tourism and International Relations ug Chairman sa Lapulapu City Sports Commission; Konsehal Francisco Senerpida sa Human Resource and Development: Konsehal Roque Wagwag sa Urban Poor and Cultural Minorities. Samtang sa duha ka mga ex-officio members nga sila si ABC President Leo Mercado maoy tsirman sa Barangay Affairs, Cooperative and Livelihood ug Games and Amusement. Si SK Federation President Reymar Dico sa Youth and Development.

Si Ycong mao gihapon ang Chairman sa Committee on Social Services and Senior Citizens nga iya kanhing gihuptan sa dihang nagserbisyo pa kini isip konsehal.

Giawhag ni Ycong ang mga pangulo sa maong komitiba nga tutokan ang ilang mga gihuptang komitiba aron ilang mahatag ngadto sa mga Oponganons ang ensaktong serbisyo nga gisangon ngadto kanila. – BANAT NEWS