Lalaki gipatay sa kontra niyang silingan

CEBU, Philippines - Usa ka lalaki ang gipatay sa iyang silingang ilang gikiha niadtong milabay’ng tuig diha sa sitio Lower Torre, barangay Inayawan ning dakbayan alas 4:40 kagahapon sa buntag Hunyo 20. Ang biktima nailhan nga si Rizalino Anoba Lansang, 31, batan-on, walay trabahoug nagpuyo sa maong nahisgutang lugar kinsa nakaangkon og samad pinusilan diha sa luyo sa iyang ulo.

Mitahan hinuon ang suspek nga si Vicente Nabua Abangan, 51,nagpuyo sa nahisgutang lugar human maabti sa mga polis pinangulohan ni SPO1 Gerard Cue human sa pagpamusil.

Base sa pasiunang imbestigasyon, ang ginikanan sa namatay mibutyag sa mga imbestigador nga ilang gikiha niadtong Abril 2009 ang suspek og kasong Malicious Mischief/Qualified Trespass to Dwelling, Physical Injuries and Robbery ang pamilya sa suspek.

Nagtingkagol karun sa bilanggoan si Abangan samtang gihikay na ang kasong ipasaka batok kaniya.   – BANAT NEWS