Motor misaliring 1 tipi

CEBU, Philippines - Patay ang usa ka drayber sa habal-habal samtang naangol ang iyang pasahero human mosaliring ang ilang gisakyang motorsiklo niadtong miaging hapon sa barangay Tubli sa lungsod sa Moalboal.

Ang namatay mao si Nestor Timtim taga West Poblacion samtang ang naangol mao si Magno Entera kinsa nagmulo sa iyang tiil.

Sa pagpakighinabi kang PO2 Teodora Baya sa Banat News, ang duha pulos wala magsuot og crash helmets hinungdan nga maayong pagkapantok sa ulo ni Timtim sa sementong kalsada. Gikatahong dangog ang dalan niadtong tungura gumikan sa pagpunay og bunok sa uwan nianang adlawa samtang ang duha gikan sa barangay Saavedra padulong ngadto sa lungsod sa Moalboal.

Si Timtim gideklarang patay nang miabot sa Badian District Hospital samtang si Entera gibalhin og laing hospital sa dakbayan sa Sugbu.  – BANAT NEWS