Babaye gitipi sa kapuyo

CEBU, Philippines - Patay dihadiha ang usa ka babaye human gipusil sa iyang kapuyo sulod sa gipuy-an nilang panimalay tungod sa kasuko nga gikuha ang pitaka sa naulahi ug wala i-uli bisan sa bahad nga pusilon kun dili i-uli.

Ang lalaki giingong naglagotsa dihang giingnan pa kini sa iyang kapuyong babayeng: “Unsa may imong ipusil, otot?

Nahitabo kini sa ilang balay sa Upper Hermag, barangay Tabo, dakbayan sa Mandaue kagahapon sa alas 7 sa buntag.

Ang namatay mao si Cecilia dela Peña, lumad nga taga lungsod sa Tuburan ug temporaryong nagpuyo sa nahisgotang dapit.

Ang nagpusil sa biktima mao si Yulandop Deboco Arcello, 54, minyo nga lumad nga taga barangay Malobog sa dakbayan sa Sugbo.

Sa imbestigasyon nga gihimo nila ni PO2 Raniel Cartin ug PO1 Cristito Raboy sa Investigation Detectionand Management Bureau (IDMB) maoy nasayran gikan sa mga silingan nga naglalis ang biktima ug suspetsado.

Ang gilalisan mao ang pitaka sa suspetsado nga gikuha sa biktima ug dili ihatag og balik bisan kun mapugsanon niining gipangayo nga misangko sa mainitong panaglalis.

Base sa nabati sa mga silingan nga daan na nga namulong ang suspetsado nga kun dili ihatag ang gikuha niining pitaka iyang pusilon ang biktima.

Bisan sa maong pagpanghulga nga pusilon sa gihapon wala kini ihatag sa biktima kinsa igo lamang nga mitubag nga nagkanayon, “Unsa may imong ipusil, otot?!”

Dugang pa nga nahipos nga kasayuran nila ni PO2 Cartin ug PO1 Raboy gikan sa mga silingan nga pipila ka gutlo ang nakalabay maoy nabati ang boto sa armas.

Human sa maong pagboto sa armas, namatikdan sa mga siingan nga migawas agi sa luyong pultahan si Arcello nga nagkawo ug nagkabiba na og knapsack ug daw kalma lamang kining naglakaw pahilayo sa maong dapit.

Dihang didto sa layo, si Arcellodali nga gisusi sa mga silingan ang panimalay ngagipuy-ansa live-in partner ug nakita na lamang si dela Peña nganagbuy-od sa sawog nga naligo sa kaugalingon niining dugo ug patay na.Gitaho dayon kini sa kapolisan sa Presinto 3 sa Basak Police Station. Dali nga giadto nila ni PO2 Cartin ang pinuy-anan sa suspetsado sa barangay Malobog sa dakbayan sa Sugbo kuyog sa anak niining lalaki nga si Rene Arcello apan wala kini nila igkita ug gituohan nga wala kini mopauli sa maong dapit human sa maong hitabo. – BANAT NEWS