80-anyos nga lolo kit-an patay

CEBU, Philippines - Nanimaho nang nakaplagan ang patay’ng lawas sa usa ka 80-anyos nga lalaki sa kalibunan sa sitio Binabag sa barangay Antipolo lungsod sa Tuburan niadtong Lunes sa alas 6:00 sa buntag.

Ang mga tawong nahiagi sa maong lugar ug nakatimaho sa baho sa patay’ng lawas ang nakadiskubre sa patay’ng lawas sa biktima nga gituohang usa ka semana kapin na nga namatay. Ang gituohang namatay o nagpakamatay mao si Serapio Hermoso, 80, taga sitio Cambayon, Antipolo.

Matud ni Antipolo barangay captain Mariano Igpit dihang nahinabi sa Banat News, si Hermoso niadto pang petsa 8 sa milabay’ng semana wala na makauli human gituohang milakaw sayo sa kaadlawon atol sa pagbunok sa uwan nga wala mamatikdi.

Matod sa kapitan nga si Hermoso taud-taud na kining nasakit og nervous breakdown ug kanunay nga mahadlok tungod sa iyang pagtuo nga dunay tawong buot mopatay kaniya.  - BANAT NEWS