Tanod nakadunggab misibat

CEBU, Philippines - Nalandig sa tambalan ang usa ka gituohang miyembro sa gang human gikatahong gidunggab sa usa ka tanod nga ilang gikulata kagahapon sa kaadlawon sa barangay Capitol Site ning dakbayan.

Ang biktima nailhan nga si Esidero Lato, 19, ug Joselito Solon nga usa ka construction worker nga pulos molupyo sa maong lugar samtang ang gitumbok nga suspetsado nailhan nga si Danny Albeos, tanod sa maong barangay.

Sa pakighinabi sa Banat News ni PO1 Nilo Aventurado kini mibutyag nga ang biktima nagkalingaw og sayaw-sayaw sa usa ka disko sa maong lugar sa dihang gibuyag kini sa maong tanod nga dili pasigarilyuhon.

Apan ang duha gikatahong nasuko sa pagbadlong kanila ug gitabangan og kulata ang tanod hangtud nga nahitabo ang kagubot ug ginukdanay hangtud sa gawas.

Sumala pa ni Aventurado nga nakulatahan gyud ang suspek ug nakadagan palayo ang mga biktima apan dangtan pila ka gutlo subli niining nasigpatan ang duha ug diha-diha giduol ug gipangdunggab.

Ang duha nakaangkon og samad dinunggaban sa dughan ug samad-samad sa lawas ug gidala ngadto sa Cebu Doctors Hospital, si Lato naigo sa dughan samtang sa tiyan usab naigo si Salon.

Ang suspek wala na igkita pa sa mirespondeng kapolisan ug gipaabot nga motabang ang mga opisyales sa barangay pagpatahan kanila. - Uban sa report ni Claire Alagdon (BANAT NEWS)