CEBU, Philippines - Usa ka tawo nga gikatahapang usher sa masiao nadakpan sa kapolisan sa sitio Soong 1, barangay Mactan, dakbayan sa Lapulapu sa miaging buntag.
Ang nadakpan mao si Efren Ang, 50, minyo, nga taga Mactan kinsa nadakpan sa team sa kapolisan sa maong dakbayan nga gipangulohan ni Inspector Antonio Betuya, uban nila ni SPO1 Nonilo Estonila ug mga kauban.
Ang suspetsado nabawian usab sa kapolisan og pito ka tip sheet sa masiao, mga stub nga gisuwatan og nagkadaiyang kombinasyon sa numero sa masiao, salapi nga gituohang pusta sa mga sugarol, ug uban pa.
Ang suspetsado gitanggong na karon sa kapolisan samtang giandam usab ang tukmang kaso nga isang-at batok kaniya. – BANAT NEWS