CEBU, Philippines - Mokabat sa P50 mil ang nasakiyo sa usa ka kawatan diha sulod sa usa ka boarding house sa Pelaez sa barangay Kamagayan ning dakbayan kagahapon sa kaadlawon. Ang gikawatan mao si Gaferl Zapatos Galdo,24, residente sa maong dapit nakuhaan og balor P47 mil nga mga alahas ug gamit. Sumala pa sa report sa Pari-an Police Station ang suspek gikatahong 5’5 ka tiil, kasarangan ang panglawas ug tabunon ang pamanit nga nagpangidaron og 20 kapin ug tsinito. Ang kawatan gidudahang sakop sa Salisi gang sanglit nasugatan pa kini sa biktima atol sa paggawas niini sa boarding house. - Iris Bulambao ug Melanie Beltran (BANAT NEWS)