CEBU, Philippines - Usa ka call center agent ang nabiktima sa manglabnihay samtang nagsakay og motorsiklo niadtong milabay’ng adlaw sa atbang sa Mandaue Sports Complex sa dakbayan sa Mandaue. Nakuha gikan kang Jerelyn Hintapa, 22, ang iyang bag nga gisudlan sa duha ka cellphone ug P4 mil.Matud pa sa dalaga sa kapolisan samtang naghunong sila tungod sa traffic kalit mitupad ang usa ka motorsiklo dayong labni sa iyang bag sa nagsakay niini ug mipasutoy. – BANAT NEWS