Centcom suportang Noynoy

CEBU, Philippines - Mipasalig ang mga opisyales sa AFP Central Command nga dili sila mopaluyo sa bisan unsang pag-alsa batok sa mosunod nga administrasyon ni president-elect Sen. Benigno ‘Noynoy’ Aquino.

Ang tigpamaba sa AFP Central Command nga si Major Wilson Ferria mibutyag nga ang Central Visayas ug Mindanao area mosuporta ngadto sa bag-ong presidente isip ilang commander-in-chief sa higayon nga mahulipan na si Presidente Arroyo sugod karong Hulyo 1, 2010.

Matud pa ni Ferria nga ang armadong kusug sa nasud naleksyon sa nanglabay nga mga kudeta sa administrasyon sa inahan ni Noynoy nga si kanhi presidente Corazon Aquino.

Gipasalig ni Ferria nga ilang panalipdan ang katawhan ug ang Batakang Balaod ug ilang paninguhaong dili sila magamit sa mga politikanhong katuyoan sa pipila ka personalidad.  – BANAT NEWS