Kaso ni Tata Negro nagubot human arraignment
CEBU, Philippines - Nagubot og makadiyot ang Palace of Justice human gidumog sa pamilya sa gipatay nga kandidato sa pagka-konsehal ug kontrobersyal nga gipasanginlang drug dealer nga si Crisistomo “Tata Negro” Llaguno ang suspek pagpatay sa naulahi.
Nunot niini, gipahimangno-an ni Henry Espinosa ang head security sa Palace of Justice ang asawa ni Llaguno nga si Liezel nga likayan ang pagmugna og kagubot sulod sa maong building.
Gikatahong gigukod ni Liezel ang suspetsadong si Jimmy Diala diha sa gawas sa sala ni Judge Sylvia Paderanga human sa arraignment sa kaso kagahapon sa buntag.
Si Diala gi-arraign kagahapon sa kasong murder apan mi-plead not guilty kini.
Matud pa sa asawa ni Llaguno nga hangtod karun wala pa sila makarekober sa nahitabo sa iyang bana gani tungod sa pagkamatay niini daghan ang nakulban og kaldero.
Nanghinaot si Liezel nga makonsensya si Diala ug motug-an kun si kinsa gyud ang mastermind sa pagpatay sa iyang bana.
Kahinumduman nga gipusil patay si Llaguno atol sa pagpahigayon og handshaking sa barangay Lorega-San Miguel niadtong Mayo 4 dihang gipusil. Si Diala nasikop dayon sa mirespondeng mga polis unang miangkong nasuya lang siya kang Llaguno apan kadugayan mibutyag mnga gisugo lamang kini. – BANAT NEWS
- Latest
- Trending
