CEBU, Philippines - Patay ang usa ka 22-anyos nga lalaki human kini pusila sa wala mailhing lalaki kagahapon sa kaadlawon diha sulod sa videoke bar sa barangay Poblacion West, lungsod sa Moalboal.
Ang biktima giila sa mga polis nga si Michael Pagera Junaldo, taga barangay Agbalanga sa maong lungsod kinsa nakaangkon og mga samad pinusilan sa walang bahin sa nawong ug ulo ug wala na makaabot nga buhi ngadto sa Badian District Hospital.
Si SPO1 Nestor Canlobo sa Moalboal Police Station sa pakighinabi niini sa Banat News mibutyag nga si Junaldo diha sa sulod sa Remy’s Videoke naglingkod tupad sa iyang uyab samtang naghuwat sa iyang torno sa pagkanta apan kalit lang mitungha ang usa ka lalaki ug gipusil ang biktima sa walay igong rason.Ang nahisgutang lalaki daling miikyas human og pamusil. – BANAT NEWS