Gikulata'g 20 ka tawo hastang bun-oga

CEBU, Philippines - Pwerteng gubaa sa nawong sa usa ka lalaki ug grabeng bun-og sa iyang kalawasan human kini makulatahi sa gibana-banang 20 ka tawo samtang nagsayaw atol disko sa piyesta sa usa sa mga barangay sa Isla sa Bantayan pasado alas 2:00 sa kaadlawon niadtong milabay’ng gabii.

Ang biktima giilang si Jonathan Rama, 31, taga sitio Puso, barangay Cangkaydi, Isla sa Bantayan ning dakbayan, samtang sa 20 ka nagtabang og kulata niya bugtong si Jablo Tiongzon, nga taga Tangke, Pikna sa maong Isla ra maoy nailhan.

Sumala pa ni SPO2 Antonio Illiot dihang nahinabi sa Banat News nga ang biktima nakainom nang daan nga miadto sa maong kalingawan dihang gikalit lang kini pagsukmag sa suspetsado sa way igong rason.

Dihang nakit-an sa mga higala sa suspetsado gitabangan nila og kulata ang biktima. Nasuta nga dugay na silang managkaaway ug napriso na kaniadto ang suspek gumikan gihapon sa pagpangulata.  (BANATNEWS)