Tomas miangkon bagito pa sa kongreso apan...
CEBU, Philippines - Si Congressman-elect sa habagatang distrito sa Sugbo ug outgoing Cebu City Mayor Tomas Osmeña mipasalig sa mga taga dakbayan sa Sugbu nga bisan tua na siya sa Kongreso dili niya pasagdan ang dakbayan.
Si Osmeña mipaabot niining maong mensahe gumikan sa nagsingabot nang adlaw nga diin hingpit na siyang mobiya sa pagdumala sa dakbayan tungod kay si Bise Mayor Michael Rama na maoy modumala sa siyudad karong sunod bulan.
Matud pa ni Osmeña nga bisan pa nga adto na siya sa kauluhan dili gihapon niya hunongon ang padayong pagpalambo sa Sugbo.
Samtang iyang gipadaplin dayon ang mga estoryang matudlo siyang house speaker sa Ubos Balay Balauranan gumikan kay matawag nga bagito pa usab siya isip usa ka kongresista.
“It is very rare for a neophyte (congressman) to fight for chairmanship. I’m a freshman in Congress,” matud pa sa mayor.
“Maybe in Manila I can be like a wallpaper lang didto,” komedya pa sa mayor.
Apan mipasalig hinuon ang mayor nga kung adto na siya sa Manila, nga maninguha gyud kutob sa iyang makaya.
“I believe in my capability, but exactly what I can accomplish, wala pa ko kahibawo. Expect not too much from me, because I’m a neophyte here. All those issue of becoming a NEDA chief, that’s where I believe I could help the country,” sigon pa sa mayor. – BANAT NEWS
- Latest
- Trending
