Gumikan sa nerbyos naghikog

CEBU, Philippines - Usa ka ulitawo kinsa nag-antos sa sakit nga nerbyos, naghikog sulod sa kusina sa ilang balay sa may dalan J.Tabora, barangay Pardo, syudad sa Sugbo,kagahapon sa alas 9:00 pasado sa buntag.

Siya mao si Melchor Laboc, 50, wala’y trabaho, nga taga J. Tabora.

Si PO3 Geoffrey Gutual, sa Homicide Section sa Cebu City Police Station, mibutyag sa Banat News nga si Rufina Laboc, ang inahan sa naghikog kinsa nanilhig sa sulod sa iyang balay, nakurat nalang dihang maoy nakita niini nga nagbitay na ang iyang anak nga wala nay kinabuhi sa ilang kusina.

Matud pa sa inahan nga ang naghikog migamit og nylon nga pisi kansang tumoy maoy gibitik sa iyang liog ug ang pikas tumoy niini didto usab igaid sa ilang sagbayan ug nagluhod kini nga nagdiwalwal na ang dila.

Daling gitawag sa inahan ang usa niya ka anak nga si Carmelita nga mao usa’y mipahibawo sa kapolisan.

Gibutyag usab sa inahan ngadto sa kapolisan nga dugay nang nag-antos sa sakit nga nervous breakdown ang iyang anak nga maoy gituohan nilang hinungdan sa pagpakamatay niini.  - Georgette Solitario (BANAT NEWS)