Nakig-away tungod sa wire-tapping gikulata, gipugakhang patay

CEBU, Philippines - Usa ka 36-anyos nga lalaki ang gipusil patay sa usa sa lima ka tawong iyang gikalalis tungod lang sa illegal tapping sa kuryente sa miaging gabii diha sa sitio Lawis sa Alaska barangay Mambaling ning dakbayan sa Sugbu.

Ang gipusil ug namatay pag-abot sa tambalanan giila sa kapolisan nga mao si Rebert Ceballes, 36, nagpuyo sa maong lugar samtang ang suspetsado nailhan sa angga nga “Lito,” “Jongjong,” ug “Bingkol” uban sa lain pang duha ka kauban.

Sa pasiunang imbestigasyon sa Homicide Section sa Cebu City Police Office, usa ka Ranulfo Ocaba Jr. 19, junkshop employee mitug-an nga iyang nakit-an ang biktima nga nagbarog-barog atubangan sa ilang panimalay niadtong higayona.

Kalit lang miabot ang mga gikatahapan ug nahitabo ang komprontase tali kanila mahitungod sa giingong illegal tapping sa kuryente.

Sa wala pa pusila ang biktima gitabangan kini og kulata sa mga gikatahapan apan nakadagan kini apan mibalik pag-usab ngadto sa iyang mga gikakomprontase apan niining higayona gipugakhang kini sa ginganlan og ‘Lito’ sa tiyan.

Daling gidala ang biktima sa mga silingan sa Cebu City Medical Center apan gideklarar sa mga doktor nga dead on arrival (DOA). (BANATNEWS)