85 ka tawo sikop sa Liquor Ban

CEBU, Philippines - Liquor ban miresulta sa pagkasikop sa 85 ka tawo sa dakbayan sa Sugbu human kini gisugdan alas-12 sa tungang gabii niadtong Sabado.

Si Sr. Supt. Patrocinio Comendador nagkanayon ang nagkdaiyang police stations mi-roving sa ilang mga hurisdiksyon nga miresulta sa pagkasikop og 85 ka tawo.

Ang Pari-an police station nakasikop og upat ka tawo, samtang sa Fuente 21 ka tawo ang nasikop, 31 usab diha sa Waterfront, samtang sa Mabolo adunay 17 ka tawong nasikop.

Usa usab ang nadakpan sa San Nicolas Police station, tulo sa Pardo, siyam sa Talamban, tulo sa Punta Princesa ug unom sa Mambaling Police Station. Ang Investigation and Detection Management Branch nakadakop og usa samtang sa City Intelligence Branch adunay duha ka tawo.

Matod pa ni Comendador nga iyang gimandoan ang iyang mga tawo nga mopresentar gyud og resulta o agi sa ilang gipahigayon nga pagpatuman sa liquor ban.

Sagad sa mga dinakpan mirason nga wala sila masayod sa liquor ban nga gipatuman sa Commission on Elections.

Samtang tungod sa liquor ban nadelatar hinuon ang usa ka barko nga magbiyahi-an sa Tabugon human naapil og kasikop ang Chief Engineer niini uban sa ilang apprentice. – BANAT NEWS