CEBU, Philippines - Naglunang sa kaugalingong dugo ang usa ka mag-uuma human kini gipaulanan og bala samtang padulong mouli sa ilang panimalay sa barangay Mangga lungsod sa Alcantara pasado alas-7 kagahapon sa buntag.
Si Rosel Favillar, 32, molupyo sa maong lugar nakaangkon og samad pinusilan sa iyang dughan ug tiil human gipusil sa wala pa mailhing mamumuno.
Nasayran nga ang biktima nagpalit og ilimnon sa usa ka tindahan pipila lang ka metros ang gilay-on gikan sa ilang panimalay apan samtang pabalik na kini kalit mipatim-aw ang mamumuno ug mipusil sa biktima.
Gikatingala sa mga kaliwat sa biktima kini tungod kay wala na mauli sa ilang panimalay ug mao nalay nadawat nga taho sa kapolisan sa nahisgutang lungsod nga adunay patay’ng lawas sa nahisgutang lugar.
Base sa dugang impormasyon nga nakalap sa kapolisan nga ang mga residente sa maong lugar nianang pagkagabii nakadungog og buto-buto sa armas apan wala nila kini panumbalinga tungod sa kahadlok. (BANATNEWS)