CEBU, Philippines - Nagtingkagol sa City of Naga Police Station detention cell ang usa ka 37-anyos nga lalaki human pasanginling milugos sa usa ka 7-anyos nga bata kagahapon sa kaadlawon diha sa usa sa mga barangay sa dakbayan sa Naga.
Ang inahan sa biktima nga nahinabi sa Banat News kagahapon mibutyag nga ang bata misulting gipasulod sa suspek ang tudlo niini sa iyang kinatawo.
Human masayri sa inahan ang maong hitabo dali kining misumbong ngadto sa opisyal sa ilang barangay nga si Narciso “Boy” Tablate hinungdan sa pagkasikop niini.
Matud sa inahan sa bata nga ang suspetsado maguwang sa iyang umagad. Sa wala pa mahitabo ang insidente ang suspetsado ug ang iyang bana nag-inom diha sa tugkaran sa ilang balay niadtong Miyerkules sa gabii.
Ang biktima ug ang inahan nangatulog na diha sa sala sa ilang balay ug nakamata nga wala na diha ang iyang anak ug dihang iyang gipangita nasugatan niya kini sa gawas nga nagbitbit sa iyang short pants.
Ang bata misumbong sa iyang inahan sa gibuhat sa suspetsado ngadto kaniya. – BANAT NEWS