Bata nadasmagan utok migawas

CEBU, Philippines - Migawas ang utok sa usa ka tuig nga batang lalaki human kini dasmagi sa usa ka mini bus sa National Highway sa barangay Bolinawan dakbayan sa Carcar mga alas 6:30 sa buntag kagahapon.

Ang biktima kinsa dihadiha nakabsan sa kinabuhi mao si Chester Rosales, usa ka tuig ug siyam ka bulan ang edad nga taga Bolinawan.

Matud ni PO2 Guilman Noval sa Carcar City Police Station nga sa wala pa ang hitabo, ang inahan sa biktima migawas sa ilang balay kay mopalitog sud-an dihang kalit nga milugnot ang bata ug midaganpaingonsa tunga sa karsada busa nadagit kini sa usa kanagbaguros ngaQueenley Bus nga may plakang GWL-165.

Ang maong sakyanan gimaneho ni Jaime Hontiveros Villa, 38 , nga taga lungsod sa Dalaguete.

 Boluntaryong mitahan sa iyang kaugalingon ang suspetsado ug kasamtangang gitanggong karon sa prisohan sa Carcar City Police Station.

Sa laing bahin, usa ka 13-anyos nga batang babaye ang nalandig sa tambalanan human kini dasmagi sa usa ka Lite Ace pick up truck didto sa barangay Pakigne, lungsod sa Minglanilla kagahapon.

Ang biktima mao si Carla Carabuera, 13, nga taga Pakigne, samtang ang drayber sa nakadasmag kaniya mao si Glenn Quijas, nga taga Pakigne usab.

Sumala ni SPO1 Romeo Barde sa Minglanilla Police Station nga milabang ang bata sa karsada dihang wala siya hibantaye sa suspetsado, kinsa mibiyahe paingon sa dakbayan sa Sugbo gikan sa Calajoan sa maong lungsod.

Ang biktima kinsa nahiagom sa mga bun-og ug samad sa kalawasan gihatod dayon ngadto sa South General Hospital sa dakbayan sa Naga.

Samtang si Quijas gitanggong usab karon sa Minglanilla Police Station. - Uban sa report ni Darrel Carumba (BANAT NEWS)

Show comments