Philip Salvador mao si Lapulapu

CEBU, Philippines - Gikalipay ni actor Philip “Epe” Salvador ang iyang pagdala sa papel ni Datu Lapulapu atol sa Kadaugan sa Mactan (KSM) re-enactment kagahapon sa buntag didto sa Mactan Shrine sa Brgy. Mactan dakbayan sa Lapulapu.

 Alang kang Epe dako niyang dungog nga siya ang midala sa papel ni Datu Lapulapu gumikan kay misakar kini sa iyang abilidad isip actor ug usa gayud ka Pilipino.

Busa bisan og walay talent fee, gituman niya ang iyang gisaad kang Mayor Arturo Radaza nga dad-on niya ang papel ni Datu Lapulapu nga libre.

Samtang si Will Devon nga maoy gikatakdang modala unta sa papel ni Lapulapu , mao nay midala sa papel sa usa ka hepe sa usa ka tribo nga sinaligan ni Datu Lapulapu.

Samtang ang midala sa papel ni Magellan mao si Lloyd Umali ug sa papel ni Reyna Bulakna , mao si Desiree del Valle. -  BANAT NEWS