CEBU, Philippines - Usa ka lima ka buwang puya ang napalgan diha sa Mactan Channel sa ilawom nga bahin sa Marcelo Fernan Bridge sa barangay Pusok, dakbayan sa Lapulapu nga napalgan nga naglutaw sa miaging sayo sa buntag.
Si SPO3 Rex Ybañez sa Homicide Section sa kapolisan sa maong dakbayan nga nahinabi sa Banat News miingon nga usa ka 13-anyos nga batang babayeng nagpuyo sa maong dapit maoy unang nakakita sa naglutaw nga puya.
Ang bata naligo nianang tungura ilawom sa Marcelo Fernan Bridgeug samtang naglangoylangoy maoy napalgan niini ang patay nga puya nga hubo ang kalawasan ug naglutaw sa kadagatan sa maong dapit.
Daling gipahibalo sa bata ang mga ginikanan ug sila na maoy mitawag sa mga polis, nagduda ang kapolisan nga posibleng gipataktak kini sa inahan ug gilabay sa maong dapit. – BANAT NEWS