CEBU, Philippines - Kritikal ang kondisyon sa usa ka lalaki human kini dunggaba sa iyang kontra nga iya ra usab nga silingan didto sa Seabreeze Home Subdivision, sa barangay Mactan, dakbayan sa Lapulapu sa milabay’ng gabii.
Ang biktima mao si Celestino Racaza Bajo, 24, ulitawo, walay trabaho, nga taga Mactan.
Samtang ang gitumbok nga suspetsado mao si Michael Yango Izon, 22, minyo, usa ka construction worker ug silingan sa biktima.
Base sa imbestigasyon ni PO1 Maximo Villagonzalo sa Crime Against Persons desk sa kapolisan sa maong dakbayan nasayran nga samtangnag-inom si Bajo uban sa iyang mga higala sa usa ka tindahan sa ilang lugar, kalit nga mitungha ang grupo ni Izon.
Gumikan kay nagpasingit lang, mitumaw dayon ang panaglalis tali ni Bajo ug Izon.
Samtang naglalis ang duha, ang ilang mga barkada nagsugod dayon og rambol ug dihadiha gihansakan dayon sa suspetsado sa iyang kutsilyoang biktima.
Ang biktimanahiagum sa tulo ka mga samad dinunggaban sa iyang likod ugdughan.
Gidali kini paghatod ngadto sa Lapulapu City ubos sa talandugong kahimtang, samtang ang suspetsado nadakpan usab dayon sa kapolisan ug nagkagulkol na karon sa prisohan.