CEBU, Philippines - Lima ka polis sa dakbayan sa Lapulapu ang hatagan og pasidungog sa Police Regional Office-7 gumikan sa daling kasulbaran sa brutal nga kamatayon sa usa ka babaye nga gisulod og maleta ug gilabay sa dakbayan sa Talisay.
Gikatakdang pasidunggan ugmang adlawa ni Chief Supt. Lani-O Nerez og “Medalya Ng Kagalingan” sila si Chief Insp. Condrado Manatad, hepe sa Station 5 sa Lapulapu City Police Office ug ang mga sakop niining sila si SPO3 Rex Ibanez, SPO2 Rolito Jumao-as sa Crime Against Persons desk, PO3 Victor Pepito ug PO1 Brando Marana sa Mobile Patrol sa Station 5 sa kapolisan sa dakbayan sa Lapulapu.
Ang lima maoy nakasulbad dayon sa “Zacal Murder Case” tungod usab sa pagtabang sa igsuon sa mismong suspek sa gihimo sa iyang maguwang ngadto sa biktima.
Kahinumduman nga sa milabay’ng petsa 14 niining bulanagituok hangtud mapatay ni Geraldyn Gelia si Merlyn Zacal ug gisulod sa maleta ug gilabay ngadto sa Talisay.
Nasuta nga nasuko ang suspek ngadto sa biktima nga mas dako ang sustentong nadawat niini matag bulan gikan sa pareho nilang uyab nga langyaw. – BANAT NEWS