CEBU, Philippines - Duha ka lalaki ang patay sa managlahing insidente sa pagpamusil sa sitio Itum-Yuta, barangay Lorega, dakbayan sa Sugbo kagahapon sa buntag ug sa sitio Mananga I, barangay Tabunok, dakbayan sa Talisay.
Ang gipusil ug wala na makaabot nga buhi sa tambalanan nailhan lang sa pangalang Ramil, molupyo sa maong lugar samtang nakig-inom sa mga higala. Wala pa matino sa kapolisan kinsa ang mamumuno niini.
Samtang patay usab ang usa ka ex-convict human pusila sa usa ka giingong pusher og shabu kagahapon sa kaadlawon sa Talisay.
Giila sa biktima nga si Desiderio Cabriana alyas “Dessie”, 20, taga Lawaan III sa nahisgutang siyudad. Giingong magsulod gawas na sa bilanggoan sa mga kasong pagpanulis diha sa Mananga Bridge. Si Cabriana nakaangkon og samad pinusilan sa walang nawong ug likod nga bahin sa ulo ug daling gidala ngadto sa Talisay City District Hospital apan gideklarar nga patay na. – BANAT NEWS