Ambuklao hydro makatabang unya sa kuryente sa Cebu

CEBU, Philippines - Dili layo ang posibilidad nga maka-supply og kuryente ang Ambuklao Hydro Electric Plant sa Bokod, Benguet nganhi sa Kabisay-an sa higayon nga kini subling maka-operate human sa kapin 20 ka tuig nga wala na paggamit niini.

Kini maoy gibutyag ni Atty. Michael Hosillos, ang Vice President for Corporate Services sa SN Aboitiz Power nga mao na karoy nag-rehabilitate sa maong planta human modaog sa bidding batok sa ubang dagkong kumpanya niadtong 2008.

Ang maong planta nakuha sa Aboitiz sa bid price nga 325 milyones dolyares ug gastuhan og 280.4 milyones dolyares alang sa rehabilitation aron makasugod og operate karong Septiyembre niining tuiga.

Ang Ambuklao Hydroelectric plant nasira niadtong 1999 gumikan sa linog nga miigo sa maong rehiyon niadtong 1990 nga nakaingon sa pagbara sa agianan sa tubig gikan sa dam padulong ngadto sa tulo ka turbine nga nag-suplay kaniadto og 75 megawatts.

Gisugdan na ang pagbutang sa bag-ong tulo ka turbines inabagan sa usa ka kompanya sa Norway nga makahatag og 105 megawatts nga power diha sa bag-ong gihimong tunnel nga agianan sa tubig.

Ang maong dam gisugdan og tukod niadtong 1956 diha sa Agno River sa Benguet ug 1957 kini dihang nagsugod og commercial operation, matud pang Hosillos, dihang nakuha sa Aboitiz ang maong proyekto pulos gyud kini guba ug kinahanglang ang dakong rehabilitasyon.

“This facility is closed for 20 years, National Power Corporation tried to rehabilitate it but failed. Everything is not working when we assumed this

Gikatakdang mosugod og operate ang unit one generator karong Septiyembre 20 niining tuiga ug mosunod sa Oktubre 29, 2010 ang unit two samtang Nobiyembre 27, 2010 usab ang unit three.

Ang Sugbu nagsalig lamang karon sa supply sa kuryente gikan sa geothermal power plants sa Samar ug ang coal powered plants sa Naga ug Toledo apan kulang pa kini aron makasuplay sa panginahanglan sa konsumidor hinungdan nga dunay mga routine brownouts ug pagpatuman og power shedding sa Visayan Electric Cooperative inabagan sa mga dagkong partisipanteng kumpanya.

Gawas sa Ambuklao Hydroelectric plant nakuha usab sa Aboitiz ang Binga Hydroelectric plant nga nahimutang gihapon sa Agno River nga makasuplay og 100 megawatts nga kuryente.  - BANAT NEWS