CEBU, Philippines - Pormal nga gipasakaan og kasong kalapasan sa Comelec Gun Ban ang polis nga sakop sa Cebu City Mobile Group nga gipasanginlang nangulata ug nanion og armas sa usa ka lalaki diha sa Open Plaza Mango Square pasado alas singko sa miaging buntag.
Ang gikasuhan kagahapong adlawa ngadto sa Cebu City Prosecutor Office mao si PO3 Arturo Lawas tungod sa pagdala og armas nga wala magsul-ob sa iyang uniporme nga maoy rekisitos sa gipatuman sa Comelec nga gun ban.
Si Lawas gisikop sa iyang gikulatang sibilyan nga si William Go, 36, molupyo sa Jagobiao siyudad sa Mandaue kinsa mireklamong gipatid-patiran ug gitionan og armas sa nahisgutang polis sa walay igong hinungdan.
Ang hepe sa Fuente Police Station nga si Chief Insp. Arnel Banzon nagkanayon nga ang kalapasan sa Comelec gun ban lamang una ang ilang gipasakang kaso sanglit nagpaabot pa sila nga nakapirma og affidavit of complaint si Go ngadto na sa Cebu City Prosecutors Office tungod sa pagpangula ta ug pagpanion og armas. - Chester Abadilla (BANAT NEWS)