CEBU, Philippines - Usa ka tawo kinsa gituohang giatake sa sakit sa kasingkasing namatay sulod sa pansayan sa iyang gipuy-an ug baho na kining naugkat gikan sa kanhi buhatan sa usa ka security agency sa sitio Bantayan, barangay Poblacion, lungsod sa Cordova kagahapon sa buntag.
Si SPO1 Larry Wagwag miila sa namatay nga si Maximo Adulfo Daniot, hingkod, ug nagpuyo sa nahisgotang lugar.
Matud pa ni SPO1 Wagwag nga ang mga silingan sa namatay kinsa nasugamak sa kabahong patay sa ilang palibot maoy misumbong ngadto sa usa ka barangay tanod.
Unya giugkat kini ug gisusi sa municipal health officer sa lungsod ug nasuta nga walay foul play, busa gituohan nga sakit sa kasingkasing ang namatyan niini. (Romeo T. Limpangog) (BANATNEWS)